(ВИДЕО) Арсовски: Министерството за здравство во нов скандал од 13,7 милиони евра

„Бледиот настап на Венко Филипче на вчерашното негово гостување на еден национален медиум и повеќе од доволно покажува дека тој и самиот нема идеја што сака да постигне со тендерот за стерилизација, освен да воведе монопол на стерилизацијата во здравството. И нормално парите на граѓаните да завршат во нечиј џеб, идните 15 години.

Тендерот вреден над 13.700.000 евра уште во првиот момент е сомнителен за јавноста и тие нејаснотии мора да бидат расчистени“, рече Димче Арсовски, портпарол на ВМРО-ДПМНЕ.

„Венко Филипче како доктор со искуство треба да е свесен дека околу ваквиот начин на стерилизација се поставуваат неколку односно многу важни прашања на кои Министерството треба да одговори пред воопшто да го започне овој процес, кој секако ќе биде на штета на пациентите, на здравствените работници и нормално на буџетот на државата, односно парите на граѓаните.

Венко Филипче да одговори ако се централизира и регионализира службата, што ќе се случи со вработените кои веќе работат во постоечките служби за стерилизација дали ќе бидат дислоцирани или ќе влезат во составот на некоја регионална служба за стерилизација, и кој им гарантира дека тие воопшто ќе останат да работат на истото работно место?

Што ќе се случи со постојните вработени здравствени работници и помошен персонал?

Дали ќе останат на своите работни места или ќе има отпуштања и преместување на работници од една во друга институција, односно од еден во друг град, каде што ќе биде регионалниот центар?

Тендерот по овој терк е планиран да воспостави монопол во наредните 15 години за стерилизација на клиниките.

Дали се свесни Венко Филипче и СДСМ дека со овој принцип на централизирано стерилизирање постои можност да се доведе до прашање здравјето на граѓаните, кое е најважно во овој здравствен систем?

Планирано е целата опрема што ќе се стелизира да се превезува до клиниките и болниците со возила и оттука нормално постои можност дополнително да има инфицирање и бактерии на инструментите.

Експертите коментираат дека на овој начин неколкукратно односно до 5 пати ќе се зголеми цената на стерилизацијата, сето тоа ќе падне на товарот на граѓаните, а услугата нормално нема да е ништо повеќе од сега, односно ќе биде само полоша.

Така да уште еднаш апелираме Венко Филипче да се преиспита и да го повлече тендерот и веднаш потоа да си поднесе оставка, и да ги спаси граѓаните од неговите погрешни политики во здравството“, изјави Димче Арсовски, портпарол на ВМРО-ДПМНЕ.

Би можело да ве интересира

ВМРО-ДПМНЕ: СДСМ продолжува со своето насилие во секој сектор на делување, како и со недемократски принципи на владеење

A1on

(ВИДЕО) Попов: Како тргнало Шилегов ќе го прогласат и за градоначалник кој најмногу украл

A1on

(ВИДЕО) Лашкоска: Власта е целосно неспособна и е класичен криминален картел

A1on

(ВИДЕО) Арсовски: Власта ги става партиските и бизнис интересите пред интересите на Охрид

A1on

(ВИДЕО) Стоилковски: Уште колку долго Обвинителството при уши ќе се прави глуво и при очи слепо за случајот со Курто Дудуш?

A1on

ВМРО-ДПМНЕ: На економијата црно и се пишува, откако Заев се самопрогласи за министер за финансии

A1on