Заев за две недели ќе ги смени министрите што биле арогантни и неисполнителни

Во наредните две недели ќе се знае кои министри и директори треба да си заминат од функциите и да бидат заменети со други, најави премиерот Зоран Заев. Тој денес се врати од неколкудневниот одмор за кој вели дека му бил неопходен и за да изгради став за менувањата.

„Аргументите за смена ќе бидат ароганција, неисполнување на поставените задачи, неагилност, се она од што не се задоволни граѓаните“, рече премиерот Заев одговарајќи на новинарско прашање денес на презентација на истражувањето на ОБСЕ за благосостојба и безбедност на жените.

При одлучувањето премиерот рече дека ќе ги земе во предвид и решенијата на Државната комисија за спречување на корупцијата, посебно оние за влијанија при вработувањата. Освен смени на министри и директори односно на централно ниво, премиерот нагласи дека ќе има смени и на локално ниво во текот на летото, а смени ќе има и во СДСМ.

Во однос на ставот на функционерите од ДУИ дека одговараат само пред нивниот лидер, премиерот Заев рече дека сите доаѓаат од некоја партија и дека за неговите предлози како мандатар одлучува Владата како колективен орган.

Би можело да ве интересира

Османи- Чавушоглу: Северна Македонија и Турција остануваат стратешки партнери

Ана Ололовска

(ВИДЕО) Заев: Ако избрзаме со ветингот ќе останеме без судии и обвинители

Галена Николовска-Ризвановиќ

(ВИДЕО) Заев: Груевски нарачува триесетка со кромид, разговорите за Нешкоски потврдија како се владеело

Галена Николовска-Ризвановиќ

(ВИДЕО) Заев: Може да разговараме за избори во октомври 2020

Галена Николовска-Ризвановиќ

Вучиќ по извинувањето од Заев: Поздрав друже…јас не сум ниту американски, ниту руски човек

Ана Ололовска

Власта и опозицијата без договор за лидерска средба

Ана Ололовска