Литванскиот премиер ќе поднесе оставка поради поразот на претседателските избори

Премиерот на Литванија Саулиус Сквернелис, кој на на вчерашните претседателски избори доживеа пораз, објави дека ќе поднесе оставка во јули.

Според првичните резултати, најмногу гласови освои економистот и дебитант во политиката Гитанас Науседа, кој во вториот круг од претседателските избори на 26 мај ќе се соочи со поранешната министерка за финансии, конзервативката Ингрида Симоните.

-Тоа што не влегов во вториот круг, покажува каква е оценката за мене како политичар, изјави Сквернелис.

Според делумните резултати од преброени гласачки ливчиња во 83 проценти од избирачките места, Науседа освои 31,18 проценти од гласовите, Симоните 26,16, а Сквернелис е на третото место со 22,26 проценти.

Во предизборната кампања доминираше прашањето за социјалната нееднаквост меѓу богатите и сиромашните, која расте во Литванија, и покрај солидниот раст на економијата.

Тројцата фаворити рекоа дека ќе се борат со тој проблем.

Во Литванија, претседателот нема некоја политичка моќ, но е одговорен за надворешната политика и учествува на самитите на ЕУ. Тој именува министри, судии, началници на вооружените сили и директор на централната банка, но обично за тоа треба да добие одобрение од премиерот или од Парламентот.

Сите претседателски кандидати се претставуваат како убедени поддржувачи на ЕУ и НАТО, што се смета за гаранција против соседот Русија.

Би можело да ве интересира

Претседателот на Литванија Гитан Наусед положи заклетва во Парламентот

Скок на цените на куќите во Естонија, Летонија и Австрија

Топлотен бран ја погоди Литванија, шест лица се удавија

Ана Ололовска

Гитанас Науседа нов претседател на Литванија

Ана Ололовска

Литванија: Науседа и Симоните одат во вториот круг од претседателските избори

Ана Ололовска

Претседателски избори во Литванија

Ана Ололовска