Трамп и Помпео ги игнорираат условите дадени од Ким

Американскиот претседател Доналд Трамп и државниот секретар Мајк Помпео ги игнорираа условите на севернокорејскиот лидер Ким Џонг-ун, Вашингтон да покаже поголема флексибилност во нуклеарните разговори до крајот на оваа година, а Помпео порача дека лидерот на Северна Кореја треба да го задржи своето ветување дека пред тоа ќе се откаже од нуклеарното оружје.

Запрашан за условите што Ким ги изнесе во петокот дека е заинтересиран за средба со Трамп само ако САД покажат „соодветен став”, Помпео рече дека претседателот е „решен да продолжи дипломатски”.

Но, тој потсети дека Ким се обврзал на денуклеаризација „и сите заедно мораме да го видиме тоа”.

– Нашите тимови работат со Севернокорејците за да го дефинираат патот по кој ќе стигнеме таму. Тој рече дека сака да се случи тоа до крајот на годината. Сакам тоа да се случи и порано, вели Помпео.

Трамп и Ким се состанаа двапати, во Ханој во февруари и во Сингапур во јуни, градејќи добри лични односи, но не успеаја да постигнат договор за укинување на санкциите во замена за севернокорејското повлекување од нуклеарната и ракетната програма.

Би можело да ве интересира

Лавров: Санкциите на САД против Иран се непромислени и дестабилизирачки

A1on

Трамп го згреши името на ајатолахот против кого потпиша указ за санкции

A1on

Патрушев: Американскиот дрон бил во иранскиот воздушен простор

A1on

Болтон: Вашингтон ја држи отворена вратата за преговори со Иран

A1on

Американската разузнавачка служба смета дека Ким не е подготвен за денуклеаризација

A1on

Џорџ Сорос и други милијардери бараат данок на богатство во САД

A1on