Брејк на Клиперс на теренот на шампионот Голден стејт

Екипата на Лос Анџелес Клиперс рано утрово го победи шампионот Голден стејт на негов терен со 135:131, во вториот натпревар од серијата од првиот круг на НБА плејофот. Моменталниот резултат во серијата прв до четири победи е 1-1.

Домаќините добро го отворија натпреварот и по првата четвртина имаа осум поени предност (33:25). На полувреме „воините“ отидоа со големи +23 (73:50). Сепак, тимот од Лос Анџелес не се предаде и со одлична игра во вториот дел од натпреварот направи голем резултатски пресврт. Најпрво ја доби третата четвртина со 44:35, а во последниот 12 минути даде 41, а прими само 23 поени за конечен успех.

Најефикасен играч во победничкиот тим беше Лу Вилијамс со 36 поени. Во поразениот состав се истакна Стеф кари со 29 поени.

Следниот натпревар ќе се одржи во Лос Анџелес на 19 април.

Претходно во текот на ноќта, Филаделфија беше убедлива против Бруклин со резултат 145:123 и изедначи на 1-1 во победи.

Би можело да ве интересира

Честитки од претседателот и премиерот на Грција до Адетокунбо

A1on

Шекил ги именуваше тројцата најдобри кошаркари во денешницата

A1on

Пол сака да го напушти Хјустон поради конфликт со Харден

A1on

ВИДЕО: Четворица повредени при пукотници за време на прославата на шампионската титула на Торонто

A1on

Лејкерс тргнуваат по Ленард

A1on

Ентони Дејвис заминува во Лејкерси

A1on