Доделени првите сертификати од програмата за стручно усовршување за разузнавање и анализа

Во Агенцијата за разузнавање денеска се одржа свечено доделување на сертификатите од првата универзитетска програма за стручно и професионално усовршување за разузнавање и анализа, а воедно и прв курс од ваков тип на Факултетот за безбедност – Скопје и Агенцијата за разузнавање.

На завршувањето на оваа прва универзитетска обука се обратија директорот на Агенцијата за разузнавање Зоран Иванов, деканот на Факултетот за безбедност – Скопје Никола Дујовски и продеканот за наука и развој на Факултетот за безбедност – Скопје Марјан Ѓуровски.

Според Ѓуровски, универзитетскиот курс се одржува во периодот кога се спроведуваат длабоки реформи на безбедносната и разузнавачката заедница и преку овој заеднички проект се придонесува кон департизација на разузнавачката заедница.

– Стратешка цел кон која заеднички се стреми е континуирана едукација на вработените во Агенцијата за разузнавање, како и останатите безбедносни разузнавачки и контраразузнавачки институции, истакнал Ѓуровски.

Директорот на Агенцијата за разузнавање Иванов нагласил дека преку овој проектот се помогна во напредното образование и едукација за разузнавање на вработените во Агенцијата. Со курсот, вработените преку предавањата и вежбите можат да ги препознаваат, осознаваат и откриваат новите закани и предизвици кои, како што рече, не опкружува денешната заедница.

Општа задача која се постигна со универзитетската програма на Факултетот за безбедност-Скопје и Агенцијата за разузнавање, според Дујовски, е што овластени службени лица добија унифицирани знаења од разузнавањето, оперативното окружување и современите трендови со што уште повеќе ќе бидат оспособени успешно да ги поддржуваат задачите и обрските на Агенцијата за разузнавање.

Предавачи на курсот биле професори од Факултетот за безбедност и вработените од Агенцијата за разузнавање и други безбедносни институции. Наставно–образовниот процес се реализира низ предавања, анализи, вежби и практично–применети форми на настава со над 150 часа во изминатите неколку месеци.

Би можело да ве интересира

Ерол Муслиу – нов директор на Агенцијата за разузнавање

Ана Ололовска

Експертите реагираат: Премиерот со многу овластувања во новата агенција за разузнавање

Anela Petrova

Македонските разузнавачи ќе се обучуваат за оперативното делување и собирање податоци

Ана Ололовска

Почнува универзитетска програма за професионално усовршување на разузнавањето

Ана Ололовска

Агенција за разузнавање негира вмешаност во активности кои не се нејзина надлежност

Ана Ололовска

Потпишан Меморандум за јакнење на собранискиот надзор над разузнавањето

Ана Ололовска