Давидовиќ: Иванов може да ги помилува осудените за 27 април

Претседателот во заминување, Ѓорге Иванов, може да ги помилува осудените за случајот од 27 април, тврди адвокатот Ѕвонко Давидовиќ за „А1он“. Според него, Иванов има дискреционо право да даде аболиција, како што тоа веќе го направил претходно. Давидовиќ потврди дека неговите клиенти Александар Василевски – Нинџа, кој бил соработник во УБК, и началникот од МВР, Душко Лазаров, испратиле писмо до Иванов, во кое посочиле дека Законот за амнестијата, со кој од вина се ослободени некои од обвинетите, е селективен и пристрасен.

„Тој може да аболира како што направи претходно за непочнати предмети. А дали ќе го направи тоа, не можам да претпоставувам. Во овој случај, од почитички причини и потреби, Законот за амнестијата е применет нееднакво. Претседателот Иванов во сите свои обраќања кажува дека е за почитување на законите и Уставот, па еве му шанса да докаже дека сите треба да бидат еднакви пред законот“, вели Давидовиќ.

Адвокатот посочи дека Иванов има право да донесе одлука за помилување, а со тоа да го запре издржувањето на казните за сите што се осудени за случајот од 27 април.

„Моите клиенти Василевски и Лазаров имаат испратено писмо до Иванов во кое посочуваат дека Законот за амнестијата е селективен и пристрасен. Луѓе за кои има докази дека сториле дело се дома и на старите работни позиции, а лица што имаат или немаат вина, но не биле во Собранието на критичниот ден, добиле казна затвор од 15 години. Трагично е што законот се применува како што некому ќе му текне. Судството и правниот систем се разнебитени. Не можеме да зборуваме за правила кога тие не се почитуваат. Се создаде пракса спротивна на законот“, додава Давидовиќ.

Кристијан Ландов

Би можело да ве интересира

Поставен натписот „Претседател на Република Северна Македонија“ на официјалната веб-страница

ВИДЕО: Пендаровски го испрати Иванов од претседателската вила на Водно

A1on

Иванов: Функциите доаѓаат и проаѓаат, но човечноста останува

A1on

Иванов побара средства за канцеларии за неговиот иден кабинет

A1on

Мандатот на Иванов истекува в недела, се уште не побарал буџет за идниот кабинет

A1on

Иванов барал информации од Владата колкав буџет му следува по завршувањето на мандатот

Галена Николовска-Ризвановиќ