Боинг призна одговорност за авионските несреќи

Компанијата Боинг призна дека грешката во нејзиниот софтвер МЦАС ги предизвика двете неодамнешни авионски несреќи на Боинг 737 Макс 8.

-Нам, во Боинг, ни е многу жал за изгубените животи во неодамнешните несреќи на авионите 737 Макс 8. Тие трагедии засекогаш ќе остават длабока трага на нашите срца и во нашите мисли. Изразуваме сочуство на семејствата на загинатите патници и екипаж, изјави Денис Маленбург, претседател и главен извршен директор на компанијата Боинг.

-Владата ќе ја извести јавноста за сите детали поврзани со овие две трагични несреќи во својот официјален извештај. Но, од прелиминарниот извештај на истрагата за падот на авионот на компанијата Етиопијан Ерплајнс, стана јасно дека обете несреќи се предизвикани од софтверот „Maneuvering Characteristics Augmentation System“ (МЦАС), додаде тој.

Маленбург посочи дека пилотите им објасниле оти системот МЦАС е ризичен за патување. Наша одговорност е д аго елиминираме тој ризик. Тоа ви го должиме и знаеме како да го направиме, изјави директорот.

Етиопските власти вчера соопштија дека пилотите на компанијата „Етиопијан ерлајнс“ правилно ги следеле процедурите, кога нивниот авион Боинг 737 МАКС 8 неколку пати понирал со носот надолу пред да се урне на 10 март, при што загинаа 157 луѓе.

– Екипажот неколкупати ги извршил сите постапки, кои ги одредил производителот, но не можел да го контролира авионот, изјави министерката за транспорт Дагмавит Могес.

Пилотите откако го воочиле проблемот со автоматскиот систем за воспоставување рамнотежа, ги следеле препорачаните итни процедури и го исклучиле. Се обиделе рачно да воспостават рамнотежа, но било физички невозможно поради тоа што авионот брзо летал.

Би можело да ве интересира

Генерал убиен при обид за воен удар во Етиопија

A1on

Боинг може да го преименува авионот „737 Макс“

A1on

Азербејџан откажа зделка со Боинг од милијарда долари од безбедносни причини

A1on

Кинески компании бараат Боинг да плати надоместок за приземјувањето на 737 Макс

A1on

„Боинг“ тврди дека поправил грешки во софтверот за моделот 737 Макс

A1on

Боинг не информирал со месеци за проблеми во безбедноста на „737 Макс“

A1on