Меркел: Одлагање на Брегзит под еден услов

Германската канцеларка Ангела Меркел денеска изјави дека лидерите на ЕУ најверојатно ќе го одобрат барањето на Велика Британија за тримесечно одлагање на Брегзит, под услов британскиот Парламент да го поддржи Договорот што го постигнаа Владата на премиерката Тереза Меј и ЕУ.

– Во принцип, можеме да се согласиме со тоа барање ако следната недела добиеме позитивен исход од гласањето за Договорот во британскиот Парламент, рече Меркел во Бундестагот во пресрет на Самитот на ЕУ во Брисел.

Таа истакна дека евентуалното одлагање на Брегзит до 30 јуни ќе го опфати и периодот кога се одржуваат избори за Европскиот парламент, што, како што нагласи, „значи дека мора да се почитува иднината и правната сигурност на изборите“.

Меркел повтори дека цврсто се противи на сценариото – Брегзит без никаков договор, бидејќи тоа ќе им наштети на интересите на Германија, како и на Велика Британија.

– Убедена сум дека дека ни треба уредно заминување на Обединетото Кралство. Тоа не е само во интерес на Велика Британија, туку и на Германија, особено на Германија и на 27-те членки на ЕУ, рече Меркел.

Би можело да ве интересира

Потомците на последниот германски цар нема да го добијат замокот

A1on

Околу 300 војници го пребаруваат теренот по судирот на два борбени авиона во Германија

A1on

Гардијан: Руски тролови шират дезинформации за обид за убиство на Борис Џонсон

A1on

Џонсон: Брегзит во октомври, со или без договор

A1on

Франција, Британија и Германија испратија предупредување до Иран

A1on

ВИДЕО: Се судрија два воени авиони над Германија, се трага по еден од пилотите

A1on