Разговори меѓу Индија и Пакистан со цел намалување на тензиите

Официјални претставници од Индија и Пакистан денеска се состанаа со цел намалување на тензиите и разговори за отворање безвизен граничен премин, за да им се овозможи на верниците Сики полесно да одат во храм на територија на Пакистан.

Портпаролот на Министерството за надворешни работи на Индија, Равееш Кумар, изјави дека разговорите започнале откако пакистанската делегација преминала на индиска страна. Пакистанската делегација ја предводи портпаролот на Министерството за надворешни работи, Мохамед Фајсал.

Наместо визите, двете земји планираат да им дадат посебни дозволи на верниците за пристап до храмот, Гурдвара Дарбар Сахиб што се наоѓа на граница со Пакистан.

Тензиите меѓу Индија и Пакистан се разгореа минатиот месец по самоубиствениот напад во кој загинаа 40 индиски војници во дел од Кашмир контролиран од Индија. Индиските воздушни сили извршија воздушен напад во Пакистан, велејќи дека тоа е насочено кон милитантите кои ги обвини за бомбашкиот напад. Пакистан се одмазди со соборување два авиона на индиските воздухопловни сили.

Би можело да ве интересира

Во поплавите во Непал досега загинале 78 лица, милиони лица во Индија имаат потреба од помош

Осуммина загинати во експлозија во рудник за јаглен во југозападен Пакистан

Ана Ололовска

ВИДЕО: Четворица загинати, повеќемина затрупани при уривање на зграда во Мумбај

Ана Ололовска

Над 130 загинати во монсунските дождови во јужна Азија

Индија повторно ја одложи мисијата на Месечината

Ана Ололовска

Во Индија првпат организиран ЛГБТ саем за вработување