Избори во Индија од 11 април, во седум фази

Во Индија, почнувајќи од 11 април, ќе се одржат општи избори и тоа во седум фази, соопшти денеска Изборната комисија.

Претседателот на Комисијата, Сунил Арора изјави дека околу 900 милиони Индијци имаат право на глас, од кои 15 милиони се на возраст меѓу 18 и 19 години и првпат можат да гласаат.

Индија има 1,3 милијарди жители и изборите во таа земја се сметаат за највисоко демократско политичко мерење на силите во светот.

Изборната комисија соопшти дека пребројувањето на гласовите ќе се одржи на 23 мај.

Медиумите пренесуваат дека изборите ќе се одржат во момент на нарушување на односите помеѓу Индија и Пакистан поради Кашмир и оценуваат дека премиерот Нарендра Моди во таа ситуација има зголемен рејтинг.

До пред неколку недели, недоволната вработеност и ниските цени на земјоделските производи ја загрозуваа популарноста на Моди.

Меѓутоа, најновите анкети покажуваат дека неговата владејачка партија Барати Џаната има предност над опозицијата.

Би можело да ве интересира

Во поплавите во Непал досега загинале 78 лица, милиони лица во Индија имаат потреба од помош

ВИДЕО: Четворица загинати, повеќемина затрупани при уривање на зграда во Мумбај

Ана Ололовска

Над 130 загинати во монсунските дождови во јужна Азија

Индија повторно ја одложи мисијата на Месечината

Ана Ололовска

Во Индија првпат организиран ЛГБТ саем за вработување

ОН: Индија за десет години извлече од сиромаштија 271 милион луѓе