Канадска подршка за забрзување на пристапувањето на земјата во НАТО

Државниот секретар во Министерството за надворешни работи, Виктор Димовски, кој престојува во работна посета на Канада, покрај средбите во канадското Министерство за надворешни работи оствари средби и разговори со Брајан Меј, пратеник во Долниот Дом и претседавач на Интерпарламентарната група за пријателство со нашата земја во Канадскиот парламент, како и со претседателот и потпретседателот на НАТО асоцијацијата на Канада, Роберт Беинс и Мајкл Ворд.

Во разговорот со претседавачот на Интерпарламентарната група за пријателство, Брајан Меј беше констатирана одличната соработка помеѓу двата парламента во изминатите години, а воедно беше нагласено очекувањето за забрзување на процедурата за ратификација на НАТО пристапниот протокол во канадскиот Парламент. Исто така, беше разговарано и за можноста за зајакнување на соработката помеѓу двата законодавни дома во претстојниот период.

На средбата и разговорите со Роберт Беинс и Мајкл Ворд беше изразена подготвеноста на НАТО Асоцијацијата на Канада за натамошен интензивен ангажман во јавната промоција за што поскора ратификација на НАТО пристапниот протокол во кандскиот парламент. Воедно, беа разменети мислења и за можностите за продлабочување на соработката со Евро- атланскиот совет на нашата земја, со нагласок на потребата за континуитет на соработкате на бизнис клубовите на двете асоцијации, како и за воспоставивање на соработка помеѓу младинските организации на двете Евро-атлански асоцијации.

За време на престојот, Државниот секретар Димовски, оствари средба и со Џим Вотсон, градоначалник на Отава на која беше пренесен интересот на градот Скопје за воспоставување соработка со Отава, главниот град на Канада.

Би можело да ве интересира

Унгарија го ратификува протоколот за членство на Северна Македонија во НАТО

A1ON

НАТО: Русија има рок до 2 август да се усогласи со нуклеарниот договор

A1on

Столтенберг се надева дека Северна Македонија ќе стане полноправна членка до декември

A1on

ВИДЕО: Руски Су-24 прелета над носач на авиони на НАТО

A1on

Грција не дава визи дури судот не го смени печатот со „Северна“

Васко Маглешов

Мексико го ратификува новиот Договор за слободна трговија со Канада и САД

A1on