ВИДЕО: Огромна змија и влезе во собата додека спиеше

Тоа што е права ноќна мора или сцена од морничавите филмови навистина и се случи на една 75-годишна жена, кога во текот на ноќта во нејзината спална соба влезе питон и ја нападна додека спиеше.

Страшните сцени ги сними сигурносната камера која жената ја имала поставено во својата соба во Бангкок, на Тајланд.

Огромен питон, кој во станот влегол низ цевка, на снимката се гледа како приоѓа директно кон нејзиниот кревет, се извиткува и ги забива забите во нејзината нога.

– Мислев дека имам кошмар, но силната болка во ногата ме натера да се разбудам. Кога здогледав дека нешто се движи по подот, не сфатив дека е питон и истрчав надвор, рече преплашената жена.