Словенија ќе го ратификува пристапниот Протокол за НАТО

Словенија денеска се очекува на вонредна седница во Парламентот да го ратификува Протоколот за пристапување на Македонија во НАТО. Со тоа, Словенија ќе биде втората земја-членка на Алијансата која по Грција ќе го ратификува Пристапниот протокол во НАТО.

Законот за ратификација на Протоколот вчера доби зелено светло од парламентарната Комисија за надворешна политика во словенечкиот Парламент.

На седницата во Државниот збор се очекува да присуствува и претседателот на македонското Собрание Талат Џафери, кој престојува во официјална посета на Словенија.

Според најавите од Албанија, в четврток Пристапниот протокол треба да биде ратификуван и од албанскиот Парламент. Албанските медиуми јавија дека Протоколот за членство на Македонија во НАТО веќе добил зелено светло од Законодавно парламентарната комисија и оти во четврток е закажана седница на Парламентот.

Би можело да ве интересира

Унгарија го ратификува протоколот за членство на Северна Македонија во НАТО

A1ON

НАТО: Русија има рок до 2 август да се усогласи со нуклеарниот договор

A1on

Столтенберг се надева дека Северна Македонија ќе стане полноправна членка до декември

A1on

Жена нападната од мечка во близина на Љубљана

A1on

ВИДЕО: Руски Су-24 прелета над носач на авиони на НАТО

A1on

Канада го ратификуваше Протоколот за членство на земјава во НАТО

A1on