Мајките обвинителки, ќерките вработени во Обвинителството

Непотизмот во извршната власт е тема што се провлекува со децении, а особено е актуелна изминативе недели. Но, за непотизмот во Јавното обвинителство многу малку јавно се говори. Соговорници за „А1он“ тврдат дека непотизмот во оваа институција, кој со години го има, сериозно влијае врз имиџот и довербата во јавноста на оваа институција, а трендот и натаму не запира.

Ќерката на вишата јавна обвинителка, Елизабета Ристевска, Јована, од петокот работи како помлад јавнообвинителски службеник во Основното јавно обвинителство, дознава „А1он“. Од Јавното обвинителството ја потврдија информацијата. Од таму информираа дека кандидатката по направената селекција, се покажала како најсоодветна за таа позиција.

„Во спроведена постапка по јавен оглас бр.1/2019 година, што го распиша Јавното обвинителство на Република Македонија, објавен во два весника, и по извршена селекција во согласност со Законот за работните односи, лицето Јована Ристеска е ангажирана од 9.2.2019 година. Лицето е дипломиран правник со положен правосуден испит и ги исполнува општите и посебните услои што се бараат за тоа работно место. Договорот за вработување за ова лице е на определено време, односно до 31.12.2019 година, за работно место помлад јавнообвинителски соработник во Основното јавно обвинителство Скопје“, велат од Обвинителството за „А1он“.

Од Обвинитеслтвото потврдија дека и ќерката на обвинителката за гонење организиран криминал и корупција, Гордана Смаќоска, Билјана Смаќоска, е вработена од 2009 година како стручен соработник во Вишото јавно обвинителство Скопје. Уште една ќерка е вработена како стручен соработник во Основното јавно обвинителство Скопје. Станува збор за Ирена Спасовска, инаку ќерка на обвинителката во државното Јавно обвинителство, Лилјана Спасовска. „Вработената Ирина Спасовска во спроведена постапка по јавен оглас е вработена на работното место стручен соработник во Основно јавно обвинителство Скопје на 5.3.2014 година“, одговорија од ЈОРМ.

Во Обвинителството за гонење организиран криминал и корупција беше избрана Марија Ѓорѓева, внука на претседателот на Советот на јавните обвинители, Коле Штерјев, за кого има постапка за судир на интереси пред Државната комисија за спречување на корупцијата.

Васко Маглешов 

Би можело да ве интересира

Обвинителство не добило известување за здравјето на Јанакиески, ексминистерот останува во притвор

Виктор Јованов

ОЈО поднесе обвинение против 36-годишен скопјанец за трговија со марихуана и амфетамини

Ана Ололовска

Обвинение за трговија со дете, младоженец купил невеста за 1.600 евра

Ана Ололовска

Поведена постапка против 20-годишно лице за неовластено држење амфетамини

Ана Ололовска

Келнерка од Гостивар со нож го прободела колегата кој ја вознемирувал

Татјана Ташкова

Три лица обвинети за насилство во Чаир

Ана Ололовска