Директорите на театрите бараат средба со Заев за скандалозната програма за култура

По вчерашната заедничка средба меѓу директорите на десет национални установи за скандалозната распределба на пари во Министерството за култура за националната програма за 2019 година, договорено е тие да бараат ревизија на програмата и средба со премиерот Зоран Заев.

На средбата учествувале директорите на Македонскиот Народен Театар, Драмски театар, Театар Комедија, Турски театар Скопје, „Антон Панов” Струмица, „Марко Цепенков” Прилеп, „Јордан Хаџи Константинов Џинот” Велес, „Трајко Прокопиев” Куманово, Народен театар Битола и Центарот за култура од Битола.

„Во исчекување сме на средба со надлежните“, велат тие во заедничкиот допис.

Премиерот Зоран Заев вчера најави дека ќе биде поништен дел од конкурсот, меѓутоа не и за националните установи, бидејќи таму немало нерегуларности. Очигледно, првите луѓе не се согласуваат со ваквиот став и бараат ревизија и на Националната програма според која треба да се финансираат проекти од буџетот на Министерството.

Распределбата на парите за националната програма на Министерството за култура и конкурсот за проекти од национален интерес предизвика жестоки реакции веднаш по неговото објавување. Видни уметници го дигнаа својот глас против селективноста при изборот и фаворизирањето на одредени проекти на сметка на долгогодишни манифестации кои придонесуваат за развојот на културата во земјава, кои беа исклучени од конкурсите.

 

Мери Јордановска

Би можело да ве интересира

Атанасов до Заев: Поднесувам оставка од заменик-министер

A1ON

Биографијата на Заев за министер за финансии како во времето за Тито

A1on

Наместо да мете криминал и неспособност, со метлата Заев се назначи и за министер за финансии

A1on

Последна шанса за Филипче да го набави лекот за болните од мускулна атрофија

A1on

„Мој данок“ не е ефикасна мерка, нека се намали ДДВ за производи од широка потрошувачка

Ана Василевска

Заев за растот на БДП: Може треба и на глава да стојам за опозицијата да сфати дека економските параметри се одлични