Учесници од пет земји на обука за претприемништво во дигиталниот сектор во Скопје

Центарот за управување со знаење, денеска во Скопје започна тридневна обука за претприемништво во дигиталниот сектор со 50 учесници од пет земји, и тоа Македонија, Грција, Бугарија, Кипар и Албанија на балканско – медитеранската програма на Европската Унија. Обуката се организира во рамки на „i3 проектот“ или образование за идеи, инвенции и иновации и се фокусира на дигитaлниот сектор, односно новите технологии и нивната примена во бизнисот.

Станува збор за високософистицирани модуларни обуки во делот на претприемништвото и пет сектори што се опфаќаат во ИТ проектот, односно енергија, информатичките технологии, екологијата, животниот стил и високата технологија.

– На овој регион му се потребни енергијата и знаењето на младите перспективни студенти и идни претприемачи. Се соочуваме со сериозен одлив на кадри и застрашувачки дефицит од квалификувани луѓе кои можат да одговорат на посложени предизвици. Она што може најмногу да ни помогне, на малите држави, што имаме амбиции да бидеме успешна приказна во Европската развојна политика, се креативноста и иновативноста, рече министерот за локална самоуправа Сухејл Фазлиу.

Додаде дека можности што ги дава работилницата се обезбедување нови знаења и вештини, но и можност за зближување на младите луѓе од регионот, заедничко градење капацитети, размена на информации, градење на контакти и пријателства што во иднина можат да прераснат во заеднички бизниси.

– Малите и средните бизниси се двигатели на економскиот раст и сериозен потенцијал за отварање на нови работни места. Ваквите високоспецијализирани обуки даваат можност за стекнување на нови знаења во областа на информатичката технологија, и вештини за управување со високотехнолошки процеси, вештачка интелигенција, мултимедија, маркетинг и е-комерц, изјави Фазлиу.

На учесниците им посака да бидат храбри и креативни, да учат и соработуваат, затоа што како што рече вмрежувањето е исто толку важно колку и знаењето.

Директорката на Центарот за управување со знаење, Андријана Богдановска изјави дека целта на овие обуки е да им се помага и на постоечките претприемачи да дојдат до солидни идеи за своите бизниси, но и на тие што сакаат да започнат стартапи, како да дојдат до успешни идеи, а во исто време им овозможува многу силно да се поврзат со регионот да најдат соодветни и веродостојни партнери со кои можат понатаму да соработуваат и да растат.

Би можело да ве интересира

Фазлиу: Надлежните да направат анализи и да излезат со конкретни докази за евентуални злоупотреби

A1on

Презентација на 16 проекти одобрени со грантовата шема за инвестиции

A1on

Бизнис форум за жени претприемачи од Западен Балкан

A1on

Фазлиу во работна посета на Унгарија

A1on

Општина Виница очекува државна поддршка за два рурални инфраструктурни проектa

A1on

Ќе се инвестираат 4,7 милиони евра за 43 проекти во планските региони

A1on