(ВИДЕО) Ако не се освести Заев, одиме со Мицкоски, порачаа пазарџиите

„Ако не се сврти кон народот како што вети Заев, ние ќе се приклучивме кон другите, ќе одиме со Мицкоски“, изјави еден од пазарџиите кој протестираше пред Собранието, против новиот закон со кој се предвидува тезгаџиите да платат лиценци.

Пазарџиите од скоро сите скопски пазари, ги заклучија тезгите и беа на протест пред Собранието. Тие извикуваа „Уа Бектеши“, „Доле Влада, го соголивте народот“ и порачаа дека нема да работат, се додека нивниот глас не допре до надлежните и се укине законот со кој се предвидуваат нови давачки за закупците на тезги.

„Додека беше Бранко на власт ни воведе еден куп давачи , по него дојде Груевски ајде малку го ослободи пазарот, но и тој не го направи она што го вети. Сега ајде му дадовме шанса на Заев кој вети живот, а испадна ист како Бранко. Нема никаква разлика помеѓу неговиот 15-ти септември и животот на Заев, исто е. Затоа ли го гласавме, ова ли е тој план, праша еден тезгаџија кој продава зеленчук на Бит пазар.

„Не прифаќаме лиценци. Не за лиценци, нема да им помине. 40 години сум на пазар, ова е невидено што сега ни го прават. Погледнете колку сум облечен, цел ден се мрзнам да продадам кило, две ориз и издржувам 5 члено семејство. Чесно си го заработуваме лебот, нека не остват на раат“, порача друг пазарџија.

Инаку закон за пазари кој стапи на сила од 1 јанури 2019-та, се предвидува, пазарџиите да платат лиценца за тезга од 3.600 денари, а доколку закупат втора тезга треба да платат дополнителни 2.400 денари. Според новиот закон, пензионерите, социјалците, стечајците и хонорарците, нема да можат да работат. Лиценците ќе ги издава Стопанската комора на Македонија.

Габриела Димковиќ-Мишевска

Би можело да ве интересира

ГДУ: Наместо чистка на неспособните во извршната власт, Заев си додели нова функција

A1on

Глас за Македонија бара од Заев веднаш да назначи министер за финансии со врвни квалификации

A1on

Заев: Сите кои кубат коси и мрчат за повратокот на ДДВ, да престанат

Кристијан Ландов

Твитер: Да го ставиме Заев и директор на МКЦ, па на банкнота од 5000 денари

Кристијан Ландов

Заев: Останува да го зголемиме економскиот стандард и главна задача е раст на платите и пензиите

A1on

Премиерот Заев денеска ќе го достави предлогот за реконструкција на Владата до Собранието

A1ON