Во Русија уапсена Белорусинка која тврди дека ги знае „тајните на Трамп“

Руската полиција ја уапси манекенката и ексорт дама од Белорусија, Анастасија Вашукевич, која го привлече вниманието со тврдењето дека има информации за руско мешање во изборите во САД во 2016 година, на кои победи актуелниот американски претседател Доналд Трамп.

Како што јавија руските медиуми, Белорусинката била уапсена во Москва, веднаш по нејзиното пристигнување од Тајланд, од каде беше протерана поради проституција.

Вашукевич, позната под псевдонимот Настја Рибка, лани во февруари беше уапсена во тајландскиот град Патаја, заедно со уште девет странски државјани, под обвинение дека држеле „курсеви по секс“.

Руските власти засега не го потвдија апсењето на Вашукевич, но медиумите повикувајќи се на изјави на очевидци, наведуваат дека таа била уапсена на царинската контрола на аеродром во Москва, веднаш по пристигнувањето од Тајланд.

Вашукевич го привлече вниманието на јавноста со тврдењата дека му пружала ескорт услуги на рускиот олигарх Олег Дерипаска, кој бил близок пријател со поранешниот шеф на изборниот штаб на Трамп, Пол Манафорд, при што била сведок на наводна помош од Кремљ за американскиот претседател пред изборите, за што наводно поседува и снимки.

Таа не обелодени за каква „помош“ станувало збор, а многумина ја обвинија дека со таквите тврдења само сакала да привлече внимание на себе.

Вашукевич е позната и како автор на книга во која објаснува како треба да бидат заведувани богати мажи.

Обвинувањата на Вашукевич за руска помош при изборот на Трамп беа демантирани и од Москва и од Вашингтон.

Би можело да ве интересира

Гардијан: Руски тролови шират дезинформации за обид за убиство на Борис Џонсон

A1on

Путин ја продолжи забраната за увоз на храна од ЕУ до 2020 година

A1on

Русија ќе може да се врати во ПССЕ

A1on

Руски авион повторно слета во Венецуела

A1on

Руска воена вежба против евентуална терористичка закана

A1on

ПССЕ би можело повторно да ги отвори вратите за Русија

A1on