Украдено оружје од воената база Пашалиман

Во албанската воена база Пашалиман, кај Валона, од магацин се украдени повеќе парчиња оружје и гранати.

– Настан без преседан се случил на југот во земјата. Во воената база Пашалиман украдено е оружје од различен вид, како и гранати. Кражбата се случила во текот на минатата ноќ. Засега нема официјална потврда од Министерството за одбрана, јави агенцијата Балкан веб, која настанот го оценува како скандал.

Војникот, кој бил задолжен за обезбедување на магацинот, во моментот на кражбата не бил присутен, а кога се вратил забележал дека сандаците, од каде се однесени автоматските пушки и гранатите, се насилно отворени.

Исто така, за разлика од другите делови на базата, во овој магацин немало сигурносни камери.

Според телевизијата Топ чанел, на распит се приведени петмина вработени во воената база. Истрагата продолжува.