Во Грција од овој викенд повторно ќе се играат прволигашки натпревари, откако елитното натпреварување во оваа земја беше суспендирано речиси три седмици по инцидентот со сопственикот на клуб ПАОК.
Забранатa е укината, откако клубовите го прифатија владиниот список со барања, меѓу кои е и барањето за намалување на поените, како и воведување на механизми за спречување на насилството.
Првата лига во Грција беше суспендирана на 12 март, откако сопственикот на солунскиот клуб ПАОК, Иван Савидис, на дербито со АЕК влета на теренот носејќи пиштол на појасот и му се закануваше на главниот судија.