Научници од американскиот универзитет Орегон развија минијатурни нано-честички кои може на лекарите да им укажат кои делови од органите се заболени од рак и на тој начин да го олеснат нивното отстранување.
Нано-честичките се изработени на начин кој овозможува да реагираат кога ќе дојдат во контакт со клетки на рак и да почнат да сјаат. Тие можат да бидат внесени во телото интравенозно и потоа се шират низ органите, реагирајќи секаде каде што ќе наидат на канцерогени ткива.
Лекарите, притоа, можат да извршат прецизна операција и да употребат радијација за да ги уништат преостанатите канцерогени клетки.
Самите нано-честички се биоразградливи и не се штетни за пациентот. Технологијата досега била тестирана на лабораториски глувци, а научниците веќе планираат експерименти со кучиња кои се заболени од рак.