Воведниот натпревар од 7.коло во Првата македонска фудбалска лига, што се играше попладнево на „Градскиот стадион“ во Тетово, меѓу Ренова и Шкупи заврши со резултат 0-0.
Иако двете екипи играа офанзивно, сепак, стрелците не беа на посакуваното ниво. Најблиску до погодок беше Рамадани кој во судиското надополнување ја погоди пречката на празен гол со што пропадна најголемата шанса за победа на домашната екипа.
Останатите натпревари од ова коло ќе се играат утре, а двојките се: Работнички – Академија Пандев, Силекс – Победа, Скопје – Шкендија и дербито меѓу Пелистер – Вардар.
Почетокот на натпреварите е во 15 часот и 30 минути.
Табела: Шкендија 16 бодови, Академија Пандев 11, Шкупи 11, Вардар 10 (-1 натпревар помалку), Пелистер 8, Ренова 6, Силекс 6, Работнички 5 (-1), Победа 5 и Скопје 2.