Соединетите Американски Држави силно се спротивставуваат на планираниот референдум за независност на ирачките Курди и ги повикуваат нивните лидери да започнат преговори со Владата во Багдад, изјави портпаролката на Стејт департментот, Хедер Науерт.
Тоа е досега најсилната изјава против референдумот која пристигнала од Вашингтон.
– САД се силно против референдумот за независност на регионалната влада на Ирачки Курдистан, кој е планиран за 25 септември , истакна Науерт.