ВМРО-ДПМНЕ испрати писмена реакција на изјавите на министерот за земјоделство, Љупчо Николовски.
„Резултатот на владата на СДС во земјоделието е еднаков на нула. Николовски ветува дека ќе биле извозно ориентиран, а констатирано беше дека извозот падна за еден месец за вртоглави 12 проценти или над 52 милиони евра.
СДС е партијата која не го реши и го мултиплицираше проблемот со овоштарите и производителите на праски.
Која ги натера производителите на лубеници да го фрлаат во отпад плодот на својата работа?
Која вети помош и не исплати за штетите од невремето?
Која вети и не ги зголеми субвенциите?
Кога не реши ниту еден проблем во земјоделието, сега е сосема јасно дека ги извиси и лозарите.
Проблемите СДС не ги решава туку ги става под тепих.
Николовски откако стана министер, единствено што стори е креирање на хаосот во земјоделието.
Поради целосната негрижа на Заев и Николовски, земјоделците на 15-ти октомври на локалните избор ќе го казнат Заев и СДС и целосно ќе го избришат од политичката јавност“ се вели во реакцијата на ВМРО-ДПМНЕ.