Хеликоптери и војници од јапонските сили за одбрана второ деноноќие не успеваат да го изгаснат шумскиот пожар, што беснее по планинските падини крај гратчето Нами во јапонската префектура Фукушима, пренесе ТАСС.
Во гаснењето на пожарот учествуваат осум хеликоптери. Повеќе од 40 часа тие истураат вода над опожарените дрва, но се уште не успеваат да го запрат ширењето на огнот. Работата на пожарникарите се отежнува поради силниот ветер.
Огнот беснее во регион, што се наоѓа на неколку десетици километри АЕЦ „Фукушима-1“, каде пред неколку години се случи хаварија. Нивото на радијацијата таму останува повисоко од нормите, но за опасност од таков карактер не е соопштено. Според властите, не е регистрирано зголемување на нивото на радијација.
Во изминатото деноноќие, огнената стихија уништи околу 20 хектари. Бидејќи огништето на пожарот се наоѓа во тешко достапен предел, повредени нема.
Според противпожарната служба, огнот веројатно е резултат на молња.