На сцената на престижниот Театар на уметностите во Цирих вечер ќе се одржи танцова претстава на Универзитетот на убави уметности во Цирих, чиј гостин е македонската танчерка и кореографка Адријана Данчевска од Скопје танцов театар.
Како што информира Скопје танцов театар, за Танцовата академија на Универзитетот на убави уметности во Цирих, Данчевска изработила нова кореографија насловена „Погрешно”, на музика на македонскиот бенд Верка, а костимите се дело на Бен Ворхар во која што учествуваат осум женски танчерки.
Потписници на кореографиите се Наоми Лапцесон, Барак Маршал, Нил Вердурн, Рено Вајзер, Грегор Золик и Адријана Данчевска.