Европската унија и оваа година треба да очекува од Либија преку Средоземното Море да преминат речиси ист број мигранти како и лани, кога рекорден број лица пристигнаа во Италија, изјави директорот на Фронтекс, Фабрис Леџери.
Околу 1,6 милиони бегалци и мигранти пристигнаа во ЕУ преку Медитеранот во периодот 2014 – 2016 година.
– Во 2016, 2015 и 2014 година имавме над 150.000 мигранти кои доаѓаа од Либија. Лани имавме зголемување за 17 отсто или 181.000 случаи на незаконско преминување на мигранти кои доаѓаа од Либија. Треба да сме подготвени да се соочиме со ист број, нагласи Леџери.
Според податоци на Фронтекс, минатата година се депортирани околу 176.000 луѓе, речиси исто колку и во 2015 година.