Џеф Литл (42) од Вашингтон, САД, имал намери да ја убие својата сопруга и четиригодишната ќерка, но наместо на својот познаник, убиецот именуван како Шајн, му испратил СМС на својот шеф. Бизнисменот потоа итно и дојавил на полицијата, јавува „Метро“.
„Еј, Шајн, како е. Помниш ли дека ми рече оти можеш да ми помогнеш да ја убијам жена ми. Ќе го прифатам предлогот“, гласи пораката на Литл.
Жената е идентификуана како Рода Ми Фунтанила Литл. Преписката од СМС пораките што полицијата ги открила по претресот потоа, ги содржи и сите подробности за тоа каде жената работи и времето кога таа се враќа од работа. Убиството требало да изгледа како грабеж каде што работите излегле од контрола.
Нејзиното животно осигурување изнесува 1,5 милиони долари, па планот бил – по убиството нарачателот и извршителот да си ги поделат парите од отштетата.
По претресот, Литл се правдал дека застрашувачките пораки зачувани во неговиот телефон можеби се случајно испратени од неговата ќерка.