Седницата на меѓународната група за решавање на кризата во Сирија, што требаше да се одржи денеска во Астана, се одложува за еден ден, соопшти казахстанското Министерство за надворешни работи.
Делегациите на сириската Влада и бунтовниците веќе се пристигнати во Астана за преговорите, на кои исто така е поканет и специјалниот пратеник на ОН за Сирија Стафан де Мистура.
На 6 февруари во Астана се одржа првата седница на заедничката оперативна група за мониторинг на режимот на прекин на огнот во Сирија, со учество на експерти од Русија, Турција и Иран, како и од ОН и Јордан.
Групата беше составена по конференцијата за решавањето на сирискиот конфликт, што се одржа на 23 и 24 јануари во Астана.
Следната средба на групата беше планирана за 15-16 февруари, потсетува ТАСС.
На средбата зад затворени врати за Сирија предвидено е учество на претставници на сирискиот режим, на Русија, Турција и Иран, но без сириската опозиција.