Американските тенисерки Венус Вилијамс и Коко Вандевег се првите полуфиналистки на годинашниот Австралија Опен.
Венус Вилијамс ја совлада Русинката Анастасија Павличенкова со 2:0 во сетови (6:4 и 7:6 (7:3)) и првпат по 2003 година кога беше финалистка на овој турнир ќе игра полуфинале.
Нејзина ривалка ќе и биде сонародничката Вандевег која во Мелбурн оваа година го игра својот најдобар Грен слем турнир. Таа во четвртфиналето ја победи Шпанката Гарбине Мугуруза со убедливи 2:0 во сетови (6:4 и 6:0).
Во вторите два четвртфинални дуели вечер по полноќ ќе играат:
Каролина Плискова (Чешка) – Мирјана Лучиќ-Барони (Хрватска) и Џоана Конта (Велика Британија) – Серена Вилијамс (САД).