Македонскиот тенисер Томислав Јотовски не успеа да се пласира на главниот турнир на фјучрсот во Вестон, САД откако во 4. коло од квалификациите загуби од првиот носител Шпанецот Хауме Пла Малфието (545.место АТП листа). Македонецот мечот го загуби со 2-0, по сетови 6:0 и 6:2 во сетови.
Сепак, Јотовски останува со шанса за настап на турнирот, бидејќи е пријавен како „среќен губитник“.
Јотовски ќе игра на турнирот што е со награден фонд од 15.000 долари во конкуренција на двојки. Тој со Бразилецот Фабиано Де Паула во 1.коло ќе играат против тенисерите од Чиле, Бастиан Маља и Алехандро Табило.