Трговски брод, кој пренесувал јаглен, потона денеска во близина на Истанбул поради лошите временски услови.
Дванаесетте членови на екипажот, 11 Украинци и еден Русин, се водат како исчезнати
Се претпоставува дека пловниот објект потонал во водите покрај квартот Шиле во азискиот дел на Истанбул.
Веднаш е започната операција за пронаоѓање и спасување на членовите на екипажот.
Турскиот весник „Милиет“ објави дека друг брод, кој пловел под руско знаме со 14-член екипаж, останал во водите покрај истанбулскиот кварт Килиос. Поради невремето не можат да се испратат спасувачки екипи кон бродот.