Чешката тенисерка Петра Квитова која денеска од разбојник беше нападната во својот дом во Простјејов и повредена на левата рака, се огласи преку Фејсбук.
– Благодарност до сите за топлите пораки. Во обид да се одбранам, повредена ми е левата дланка. Потресена сум, но и среќна што сум жива. Повредата е сериозна, морам кај специјалист, а ако сакате да знаете нешто за мене, да знаете дека сум силна и дека ќе се борам со ова, напиша Квитова на својот Фејсбук профил.
По нападот на 11-тата светска тенисерка, таа се наоѓа во добра состојба, повредите не се од животна опасност. Надлежните служби соопштија дека се работи за криминален акт изведен во станот на тенисерката.