Познатиот „Гранд плац“ во Брисел вечерва половина час ќе ги згасне светлата во знак на солидарност со населението на Алепо, пренесоа француските медиуми.
Светилките на плоштадот, што е вклучен во списокот на УНЕСКО на светско културно наследство, ќе останат изгаснати од 19 до 19.30 часот по локално време, соопшти канцеларијата на градоначалникот.
Ќе запре и музиката, која постојано се пушта на ова многу посетувано место во белгиската престолнина.
Во знак на солидарност со жителите на Алепо вчера беа изгаснати светилките и на Ајфеловата кула во Париз