Шаховскиот првак на Македонија, тимот на Алкалоид и рускиот шампион Сибир одиграа без победник 3:3 во дебито на 6.коло од Европскиот клупски куп во Нови Сад.
Мечевите на сите табли завршија реми. За Алкалоид на овој дуел настапија: Лирен Динг, Дмитри Андрејкин, Павел Елјанов, Дмитри Јаковенко, Јангји Ју и Јуриј Криворучко.
Со овој резултат по шест одиграни кола Алкалоид се задржа сам на врвот со 11 меч бодови. На табелата следат Медни Всадник, Легаси Сквер Москва, Сибир и Свети Николај Српски со по 10 бода.
Во последното решавачко коло во борбата за медалите се среќаваат:
Алкалоид – Легаси Сквер Москва,
Медни Всадник – Сибир и
Одлар Јурду – Свети Николај Српски.