Британскиот тенисер Енди Мареј кој на најновата АТП ранг листа ќе се искачи на првото место е победник на Мастерс турнирот во главниот град на Франција.
Мареј попладнево во финалето го совлада Американецот Џон Изнер со 2-1.
Првиот сет Британецот го доби со 6:3, вториот му припадна на Изнер на тај-брејк со 7:6, а во решавачкиот Мареј беше подобар со 6:4.
За новиот прв светски рекет ова беше вкупно 43.титула во неговата кариера.
До крајот на годината останува уште еден силен турнир, оној во Лондон пред кој Мареј има предност од 405 бода во однос на големиот конкурент.