Началникот на Главната оперативна управа на Генералштабот на руската армија, Сергеј Рудској кажа дека по уривањето на хеликоптерот МИ-8, руската авијација интензивно ги бомбардирала позициите на исламистите кои се обидоа да продрат во Алепо.
Русија сега подготвува ултиматум кон оние што го соборија хеликоптерот, да ги предадат телата на загинатите руски војници или ќе почне со масовни воздушни и копнени удари на територијата во провинцијата Идлиб.
Од друга страна, Вашингтон се обидува да ја разубеди Москва да не тргнува во офанзива во Сирија и побара седум дена Русите да не бомбардираат врз исламистите за да може да ја издвојат умерената сириска опозиција од терористите.
Одговорот од Русија беше дека до сега умерената сириска опозицијата имала доволно време да се определи и да се дистанцира од терористите.