НБА натпреварите ноќеска минаа во знакот на две ѕвезди, Коби Брајант и Кевин Дурeнт натпреварите ги завршија со „трипл-дабл“ учинок.
Брајант против Феникс постигна 22 поена со 11 скокови и асистенции, додека Кевин Дурeнт имаше 25 поени, 13 скокови и 10 асистенции во победата на неговиот тим над Голден Стејт.
Мајк Дантони го најави своето деби на клупата на Лејкерси во мечот со Хјустон. Но, ја промени одлуката непосредно пред стартот. “Езерџиите“ стигнаа до четвртиот триумф во последните пет, од кога е отпуштен Мајк Браун. Брајант го забележа својот 18-ти трипл-дабл во кариерата. Запиша 22 коша и 11 скока и една асистенција. По Гасол на центарската позиција исто така имаше причина за славје, откако ја премина границата од 15.000 илјади постигнати поени во кариерата. Тој стана десеттиот странски играч и првиот Шпанец што успеал во таквата намера. Двајт Хауард беше најефикасен на мечот со дабл-дабл учинок од 28 поени и 13 скока. Кај “Ракетите“ најрасположени беа Чендллер Парсонс со 24 поени, додека Џејмс Харден стигна до 20 коша и седум асистенции.
Кевин Дурент за Оклахома го оствари својот прв трипл-дабл во кариерата. Забележа 25 поени, 13 скока и 10 асистенции. “Искрено не се надевав за тоа, да бидам искрен. Сепак, чувството е добро и да се отстрани еден товар од грбот“, рече по мечот, Дурент, кој беше најзаслужен за триумфот над Голден Стејт. Голем придонес даде и Расел Вестбрук со 30 поени и седум асистенции. Кај избраниците на Боб Маерс, најдобро се истакнаа Кари со 22 коша и Дејвид Ли со 19 и 10 украдени топки.
Њујорк ги совладаа Пејсерси со осум поени разлика, по фантастичната игра на Кармело Ентони. Никси се опоравија од првиот пораз во сезоната кои го доживеаја по две вечери од Мемфис.Во својот Медисон Сквер Гарден дојдоа до својата седма победа во шампионатот од досега осум одиграни меча. Кај избраниците на Мајк Вудсон, најдобро се истакна Кармело Ентони која забележа 26 поени и девет скока. Во поразот, Пол Џорџ имаше 20 коша.
Во спортскиот центар Ер Канада, Торонто го совлада Орландо Меџик со 97:86. Репторси иако без плејмејкерот Кајл Лаури, во 10 меч оваа сезона го запишаа третиот триумф. Кај “Магичните“ кои оваа сезона останаа без Двајт Хауард, кој се пресели во Лејкерси, сеуште во таборот од Флорида форсираат игра под кошевите. Глен Дејвис запиша дабл-дабл учинок од 16 поени и 12 украдени топки. Во победничкиот тим најрасположен беше бекот Демар Дероузан со 20 поени и девет скока.