Македонскиот кошаркарски шампион, МЗТ Скопје ќе треба да уплати 3.000 евра на сметката на АБА-лига поради „недоличното однесување на навивачите и фрлањето тврди предмети на теренот“, како што се наведува во официјалното објаснување за казната.
Казната за МЗТ се однесува на мечот против Раднички Крагујевац, кој се одигра пред речиси еден месец во СЦ „Борис Трајковски“.
МЗТ Скопје ќе треба да плати и дополнителни 300 евра за техничката грешка и исклучувањето на центарот Тодор Гечевски на средбата против Раднички, како и за техничката грешка на Кирил Николовски на средбата против Сплит.