Оклахома Сити Тандер предводени од најдобриот поентер во минатата сезона, Кевин Дурант славеше со 97:91 на гостувањето против Чикаго Булс, додека гостинска победа 103:90 забележаа и ЛА Клиперс против Портланд Треилблејзерс.
Предводник на победата на „Громовите“ Кевин Дурант постигна 10 од своите 24 поени во последната четвртина, па асот на Оклахома е најзаслужен за славјето на неговиот тим.
Втор најдобар поединец кај гостите беше Серж Ибака со 21 поен, 9 скока и 4 блокади, додека кај поразените домаќини Луол Денг со 27 поени и Ричард Хамилтон со 20 беа најпрецизни.
Гостинска победа забележаа и ЛА Клиперс против Портланд со 103:90. Џамал Крафорд од клупата со 25 поени и ДеАндре Џордан и Крис Пол со по 21 поен беа творци на победата на гостите од Лос Анџелес. Кај Портланд прв стрелец беше Николас Батум со 23 поени.