Главната фракција на сириските Курди денеска прогласи федерален регион во подрачјата под нивна контрола на северот од Сирија, соопшти курски официјален претставник.
Портпаролот на влијателната партија на сириските Курди вчера најави дека партијата планира да прогласи федерален регион во северна Сирија, пренесуваат американските медиуми.
Наваф Калил од Демократската унија изјави дека неговата партија не лобира за чисто курдски регион, но дека сака „моделот на федерализам да се примени врз сите во Сирија“.
Калил наведе дека во тоа планирано подрачје на северот од Сирија би живееле и Туркмени и Арапи и Курди.