Шефот на курдската Партија за демократско единство (PYD) вo Сирија Салех Муслим, денеска ги отфрли обвинувањата од Турција дека неговата група е вмешана во бомбашкиот напад во Анкара, во кој загинаа 28 лица, јави Танјуг.
– Демантираме дека на било кој начин сме вмешани во овој напад, рече Муслим, откако турскиот премиер Ахмет Давутоглу го обвини военото крило на неговата партија дека го извела нападот во соработка со Курдската работничка партија (ПКК).
Давутоглу на новинарите во Анкара им кажа дека бомбашкиот напад го извел сирискиот државјанин Салих Неџар и дека девет лица се уапсени.
-Никогаш не сме слушнале за лицето Салих Неџар. Тие обвинувања се јасно поврзани со обидите на Турција да интервенира во Сирија, рече Муслим, а пренесуваат француските медиуми.