Салех Муслим, лидерот на курдската партија Демократска унија, изјави дека не добиле покана за учество на мировните преговори за Сирија со посредство на ОН во Женева и дека не знае дека курдски претставници воопшто добиле покана, пренесува БТА.
– Се разбира, искрено, би сакале да се вклучиме и исто така мислиме дека ако не учествуваме Женева-3 ќе пропадне, како што се случи со Женева-2 и 1, кога некои страни од конфликтот беа исклучени. Се разбира, ние претставуваме голем број луѓе на терен, па нашето исклучување од учеството не придонесува за политичкото решение, рече тој.