Само десетина дена по заминувањето од кормилото на МЗТ Скопје на Александар Тодоров, од таборот на македонскиот кошаркарски шампион замина и неговиот претседател Сашо Босилков
Тимот од Аеродром е без претседател по одлуката на Сашо Босилков да ја напушти функцијата. Официјалното образложение на ваквиот потег е презафатеноста и големите професионални обврски, кои го спречувале Босилков целосно да му се посвети на ангажманот во клубот.
Босилков оваа функција ја извршуваше две години и ќе биде запаметен како предводник на тимот до првата шампионска титула и секако како најзаслужен човек за дебитантското учество на МЗТ Скопје во АБА лигата.