Руските воздушни сили денеска изведоа „масовни напади“ врз цели на Исламска држава ширум Сирија, гаѓајќи ги со крстосувачки ракети, пренесоа руските медиуми, повикувајќи се на високиот воен претставник Андреј Картаполов.
– Денеска беа изведени 59 од планираните 100 напади врз цели на ИД во покраините Рака, Идлиб, Деир ал-Зор, а ликвидирани се 149 терористи, наведе Картаполов.
Русија денеска соопшти дека нејзините авиони гаѓаат и камиони, со кои се превезува нафта и нафтени деривати, а им припаѓаат на ИД.