Најмалку 33 џихадисти од групацијата Исламска држава се убиени во интензивните француски и руски воздушни напади, извршени во изминатите 72 часа во северна Сирија, соопшти Сирискиот центар за мониторинг на човековите права.
Нападите на француската и руската авијација во неделата, понеделникот и денеска беа насочени врз бази, магацини за оружје и контролни пунктови во градот Рака и неговата околина, изјави директорот на Центарот Рами Абдел Рахман.
Тој додаде дека во нападите се убиени 33 џихадисти, а десетици се ранети.