Исламска држава, Џебат ал-Нусра и другите терористички групи треба да бидат заедничка цел за уништување, изјави на прес-конференција во Виена рускиот министер за надворешни работи Сергеј Лавров.
– Се разбира дека ИД, Џебат ал-Нусра и другите терористички групи треба да бидат наша заедничка законска цел. Ние треба да се бориме против нив се до нивно уништување, истакна Лавров.
Шефот на руската дипломатија нагласи дека „Русија веднаш ја потврдила подготвеноста да ги координира дејствијата против ИД и останатите терористички организации со меѓународната коалиција предводена од САД“.