Системот за антитерористичка заштита во Русија е во состојба на готовност по нападите во Париз, соопшти Националниот антитерористички комитет (НАК), јави ТАСС.
„Надлежните органи на нашата држава преземаат соодветни мерки за гарантирање на антитерористичката заштита и безбедноста на граѓаните. Во светло на новите закани, сите делови на системот за гарантирање на безбедноста се во состојба на зголемена готовност”, се вели во соопштението.
Откако изрази длабоко сочувство на сите француски државјани и на роднините на загинатите, НАК ги повика сите руски граѓани да покажат голема одговорност и внимателност пред новите предизвици и закани од страна на меѓународните терористички организации.
„Сплотеноста на државата и граѓаните е единствениот начин адекватно да се спротивставиме на терористичките закани”, нагласува НАК на Русија.