Руската телевизија по грешка прикажа снимки со тајно оружје

Од:

Руската телевизија по грешка емитуваше кадри од таен систем за торпеда со нуклеарно полнење, што во моментов е во процес на разработување во Русија, јави БТА.

– Некои тајни податоци случајно паднаа во објективот на камерата и снимките потоа беа емитувани од сајтовите на овие канали, изјави портпаролот на Кремљ, Дмитриј Песков.

„Се надеваме дека ова нема да се повтори“, дополни тој.

Два канала на руската државна телевизија – НТВ и Првиот канал – вчера емитуваа снимки на кои се гледа како руски војник го разгледува документот со цртежи и опис на новиот систем за торпеда, наречен „Статус-6“.

Торпедата, чија разработка е со ознаката „тајно“, ќе бидат истрелувани од подморници со цел радиоактивно да се загадуваат поголеми зони, кои во подолг период ќе станат неупотребливи за воени, земјоделски или економски цели, се дознава од текстот во снимките.

Снименото видео е од средбата на претседателот Владимир Путин со високо позиционирани претставници на одбранбениот сектор во Сочи.

Би можело да ве интересира

Руската воздушна одбрана синоќа уништи 125 украински беспилотни летала

Северна Кореја: Американската помош за Украина е „неверојатна грешка и луд чин“

Горан Наумовски

Лавров го предупреди Западот да не се бори до победа со нуклеарна сила

Горан Наумовски

Русија за атентатот на шефот на Хезболах: Уште едно политичко убиство

Шест лица загинаа во напад врз медицински центар во Суми

Боцан-Харченко: Русија ќе ја заштити Србија и Република Српска